Gjatë intervistës në Euronews me Erla Mëhillin, ministrja e Infrastrukturës dhe Energjitikës, Belinda Balluku ka thënë se vetëm 4% e familjeve kalojnë konsumin mujor të energjisë elektrike mbi 800 kw, që do të thotë se do të paguajnë më shtrenjtë. Mëhilli e ka kundërshtuar duke thënë se janë më tëpër. Ajo solli edhe shembullin e saj si një familje pa pishina e ambiente të shumta që kanë nevojë për ndricim.
Gazetarja theksoi se gjatë muajve të dimrit e tejkalon nivelin e konsumit mbi 800 kw, madje këtë e kishte kontrolluar te fatura. Ministrja nga ana tjetër e ka kundërshtuar duke sjell shembullin e saj. “Unë jam një familje normale, që përdor pajisjet që thamë dhe nuk e kaloj 800 Kw. Varet, nëse del nga shtëpia dhe nuk e fik kondicionerin, por e le hapur… varet”, u shpreh Balluku. Ajo ka përsëritur thirrjet për të kursyer energjinë elektrike. ©argjirolajm.net
