Në emisionin “Opinion” po diskutohet për rritjen e rasteve të reja me Covid në të gjithë vendin. Sa i përket qarkut Gjirokastër, që për nga përhapja një ditë më parë ishte pas Tiranës, ka pasur debat mes kreut të Urgjencës Kombëtare, Skënder Brataj dhe Ilir Pecnikajt nga Departamenti i Shëndetësisë në Partinë Demokratike. Ky i fundit ia faturonte përhapjen e Covid në Gjirokastër paradës së makinave “Retro” e cila mblodhi shumë njerëz në qytet.
“Qeveria dërgoi “Retron” në Gjirokastër dhe bëri show”, deklaroi Pecnikaj.
Ndërkohë kreu i Urgjencës Brataj e kundërshtoi këtë qëndrim të zyrtarit të PD-së duke u shprehur në Gjirokastër kemi rritje të rasteve për shkak se është një qytet kufitar me Greqinë dhe përballet me fluks njerëzish që hyjnë e dalin. Sipas tij e njëjta situatë është edhe në Korçë, Durrës e Sarandë.
©argjirolajm.net
