U fol për një tjetër ilaç, Dexamethasone por duket se ai i pari me emrin Remdesivir ka potencialin më të madh për të kuruar pacientët me koronavirus. Amerika sapo bleu të gjithë furnizimin global për tre muajt e ardhshëm.
Ilaçi anti-viral u krijua fillimisht për të trajtuar pacientët me Ebola. Ky ilaç sulmon një enzimë që i duhet virusit për tu shumuar brenda qelizave tona.
Profesor Peter Horby nga Universiteti i Oksfordit tha për BBC se blerja në këtë sasi të madhe nga Amerika ishte e pritshme pasi vetë kompania prodhuese me emrin Gilead është kompani amerikane por gjithashtu u gjend nën “presione të caktuara politike të vendit”.
Por ky veprim nga Amerika ka ngritur shqetësime në lidhje me qasjen e ilaçit për vendet e tjera të botës, ku po vdesin çdo ditë njerëz.
