Covid/Brataj: Virusi po pëson mutacione. Qëndrimi shtrirë, faktor favorizues për të

Kreu i Urgjencës Kombëtare, Skënder Brataj thotë se koronavirusi po vijon të bëjë mutacionet e veta, por për fatin e mirë ato nuk janë më agresive.
“Ndryshimet janë jo vetëm në membranën sa i përket proteinës, por edhe enzima që bën aktivizimin e proteinës, në membranën ku kapet cCovid. Ka lëshuar mutacione më të ngadalta. Është fakt pozitiv”, tha Brataj.
Sipas tij, komplikacionet më të mëdha virusi i shkakton tek mushkëritë por kap edhe organe të tjera të trupit.
“Kap cdo organ, nuk është thjesht i mushkërive”.
“Shenjat e simptomat tipike janë kollë temperaturë, dhimbje koke, fyti, vështirësi në frymëmarrje, por këto të gjitha nuk shfaqen njëherësh, do shfaqen hap pas hapi.
Tipike është dhimbja e kokës, dhimbje të forta koke që kam parë edhe vetë në pacientë të ndryshëm që referojnë se dhimbja është në vijimësi dhe është tipike e këtij virusi.
Po ashtu humbja e shijes dhe nuhatjes që për fat të mirë korrespondon në format e lehta më shumë i përhapur.
Shenjat e tjera, janë bashkëshoqëruese.
3-5 ditët e para, pacienti nëse e ka formë të lehtë, do ndryshojë. Nëse do vijojë pas javës së parë ashpërsimi i simptomave të jeni të sigurt që do përkeqësohet.
7-14 ditët e para është kyçi i suksesit të monitorimit dhe trajtimit të pacientit.
Ekzaminimi objektiv nga koka te këmbët na thotë shumë, ngjyra e lëkurës, e buzëve qafa, na tregojnë, dëgjimi i pulmoneve, majat dhe bazën, ka zhurma respiratore, të gjitha na thonë diçka. Nëse dëgjojmë fishkëllima janë akoma te bronket.
Me këtë sëmundje që jemi sot triazhi është thelbësor dhe te pacienti që dyshohet se jo cdo dhimbje e kollë është covid. Do e orientojmë të izolohet se është i dyshuar”.
Brataj tha se është e rëndësishme që pacientët të mos qëndrojnë shtrirë për një kohë të gjatë.
“Qëndrimi shtirë është faktor favorizues më shumë, sado në moshë të jenë këshillojini të lëvizin e mos rrinë shtrirë 24 orë”.
Forma e lehtë e virusit tha Brataj karakterizohet nga shenja të lehta, e “në këto momente nuk këshillohet të bëhet imazheri, pas 5 ditësh i këshilloj njerëzit të bëjnë analizat e gjakut, ato janë indikatorë”.
Sipas kreut të Urgjencës Kombëtare, me rëndësi për mjekun është të kuptojë çfarë pacienti ka përballë, dhe s e përballon nga ana emocionale lajmin për prekjen nga koronavirusi, apo faktin që mund të ketë vështirësi në frymëmarrje.
“Vështirësia në frymëmarrje, duhet të ketë dy momente që duhet ti ndajmë, sa i ndjeshëm është pacienti, pra sa veta ju marrin në telefon në ditë nju thonë jam me Covid vetëm se kanë qenë kontakt, duhet të jetë një terapi qetësuese që heq ankthin”.
Deklaratat e Bratajt u bene gjate nje trajnimi për mjekët dhe infermierët per përballimin e urgjencave, mënyrat e trajtimit sipas formës së sëmundjes, medikamentet e përdorura, udhëzuesin dhe principet e trajtimit tek fëmijët për përballjen me virusin e rrezikshëm.