Është përshkallëzuar protesta e fermerëve të Lushnjës, të cilët kanë tentuar të bllokojnë udhëkryqin Pushimi i Shoferit, për t’i dërguar një mesazh tjetër qëverisë që të marrë masa kundër çmimeve të larta të naftës dhe ushqimeve që po ngrihen dita ditës.
Forcat policore janë lidhur krah më krah për të krijuar një gardh dhe për të mos lejuar bllokimin e rrugës, por protestuesit kanë qënë të shumtë dhe kanë dalë nga të dyja krahët e udhëkryqit ndërkohë që pas tyre renditet një varg i gjatë makinash.
Protestat në vend kanë nisur prej tre ditësh dhe janë organizuar nga vetë qytetarët në rrjetet sociale kundër spekullimeve që po bëhen me çmimet e naftës, energjisë, ushqimeve, gjoja në emër të krizës së shkaktuar nga lufta në Ukrainë.
