Të ftuarit e një dasme janë filmuar duke vrapuar për të shpëtuar jetën e tyre pasi fishekzjarret në fillim të dasmës shkaktuan një zjarr të madh.
Në një video që është bërë virale nusja dhe dhëndri ishin duke bërë vallëzimin e tyre të parë, ndërkohë fishekzjarret zbukuruan dhe më shumë ambientin.
Mahnitja e njerëzve përfundoi shumë shpejt ndërkohë që shkëndijat nga fishekzjarret u përhapën dhe i vunë flakën luleve të thata dhe një pjesë të madhe të tavanit duke e shkatërruar dasmën.
Çifti së bashku me mysafirët detyrohen të vrapojnë për të shpëtuar veten. Stafi heroik u përpoq për të shuar flakët, por e patën shumë të vështirë me forcën e zjarrit.