Marrëdhëniet e suksesshme janë të të gjitha llojeve, por studimet tregojnë se një diferencë e lartë moshe mund të rrisë shanset për probleme martesore apo divorc.
Ky nuk është rasti i Edna dhe Simon Martin. Çifti sapo festoi përvjetorin e 17-të të martesës, pavarësisht se kanë një diferencë prej 40 vjetësh në moshë. Edna, 87 dhe Martin, 47 vjeç, u njohën kur ajo ishte 69 vjeçe dhe ai 31 në në koncert, një dashuri me shikim të parë.
Çiftit nuk i intereson aspak mendimi i të tjerëve, ndërsa në këtë përvjetor kanë festuar jashtë dhe kanë shkëmbyer dhurata. Ata thonë se sekreti i një martese të lumtur janë aventurat.
“Ne dalim ende bashkë dhe ecim për dore në karrocat tona sepse të dy kemi probleme me lëvizjen. Madje kemi frymëzuar njerëz të tjerë me ndryshimin tonë të moshës që të ndërmarrin hapin tjetër dhe të martohen. Miqtë dhe të njohurit tanë janë të lumtur për ne, por kemi injoruar çdo shikim ose koment të çuditshëm”, thotë Simon.
Më tej ai shton se “dashuria është dashuri”, ndërsa “mosha është gjendje mendore, je aq vjeç sa ndihesh”.Edna ka edhe një djalë 57 vjeç dhe nipërit e saj janë më të mëdhenj se Simon, por ata kanë mbështetjen e të gjithë familjarëve. Përpara se të bashkëjetonin, ai nuk kishte pasur ndonjëherë të dashur, ndërsa lidhja e tyre mbeti në distancë për njëfarë kohe.
Ata nuk mund të duronin të ishin më larg njëri-tjetrit ndaj u bashkuan shpejt, ndonëse në fillim familjes së Simon iu desh kohë për t’u mësuar me ndryshimin e moshës. Megjithatë, sapo panë që djali i tyre ishte shumë i lumtur, nuk iu interesoi më.
Familja e Edna shfaqi mbështetje që prej fillimit dhe mori pjesë në dasmën e çiftit në vitin 2005. Të dashuruarit thonë se nuk kanë problem aspak të shfaqin ndjenjat e tyre me gjeste publike si puthje apo përkëdhelje.
