Modelja amerikane bëri ironi me bashkëshortin e saj John Legend në Twitter duke postuar një meme sipas të cilës ai ngjante me personazhin vizatimor të viteve 90’, Arthur.
31 vjeçarja postoi një imazh të zmadhuar të asaj që duket si grushti i shtrënguar i Arthur kur është i nevrikosur me mbishkrimin, “Si reagon John kur i thua se ngjan si Arthur”. Nuk vonoi përgjigja e Legend, i cili menjëherë postoi në rrjetin social të cicërimave: “Nuk kisha dëgjuar ndonjëherë për këtë personazhin Arthur deri tani. A ishte ai vërdallë kur unë isha fëmijë?”. Ylli i shumë hiteve jo vetëm tregoi që mund ta mbante shakanë, por edhe ngacmoi me faktin se ishte disa vite më i madh se bashkëshortja e tij. Interneti u shkri së qeshuri me Teigen duke vazhduar talljen ndaj Legend, por në një farë mënyre iu hodh kundër me komentet që shprehnin se nuk duhej të ishte kaq e pamëshirshme me të.
