Përmeti festoi sot 76 vjetorin e Çlirimit nga pushtuesit nazifashistë. Me këtë rast ishte organizuar nga Bashkia një ceremoni përkujtimore, si dhe u zhvilluan homazhe në varrezat e dëshmorëve.
Të pranishëm ishin deputetja Mirela Kumbaro, prefektit Astrit Aliaj, kryetarja e Këshillit të Qarkut, Lindita Rova dhe kryebashkiakja Alma Hoxha. Krahas fjalimeve të rastit dhe homazheve për të rënët në luftë, kishte një detaj që bëri përshtypje. Asnjë nga përfaqësuesit e Partisë Demokratike nuk kishte marrë pjesë në këtë ceremoni.
Kurora e përgatitur nga organizatorët, me mbishkrimin “Nga Partia Demokratike”, ngeli aty si ‘jetime’ pasi nuk kishte kush ta vendoste në lapidar.
Me ç’duket, ish-kryebashkiaku Niko Shupuli dhe njerëzit e PD-së, s’e kanë harruar 30 qershorin prandaj shfryjnë mllef edhe me të rënët në luftë. Shihni fotot që sjell argjirolajm.net
