Britania e Madhe është vënë në kërkim të 14 personave me rekorde të theksuara kriminale që akuzohen për lidhje me një sërë krimesh si vrasje brutale, trafiku i drogës dhe arratisje nga burgu.
Mes tyre janë dhe tre shqiptarë. Bëhet fjalë për Klevis Xhelajn dhe vëllezërit Mateo e Eljaso Çela. Xhelaj përshkruhet si një trup mestar, me flokë kafe të errët dhe tatuazhe në gjoks. Ai akuzohet se mundtë fshihet në zonat e Nottinghamshire, Ëest Midlands, Leicester dhe Londër dhe mund të ketë udhëtuar jashtë zonës së Yorkshire të Jugut.
Eljaso Çela, 28 vjeç dhe vëllai i tij, 26-vjeçari Mateo Çela, janë në kërkim nga policia për vrasjen e Armend Xhikës, ngjarje e ndodhur në Sheffield në maj të vitit 2021. Xhika u godit për vdekje me thikë në Sheffield, më 13 maj 2021, pasi një sherri në rrugën Earl Marshal në zonën Burngreave. Hetimet për vrasjen e tij vijojnë ende.
