Një natë më parë emisioni “Opinion” iu dedikua udhëtimeve në Shqipëri, të kushtëzuara kësaj radhe nga fakti i mbylljes për shkak të pandemisë. Shumë njerëz njohën vende të Shqipërisë që s’kishin qenë më parë.
Në panel ishte edhe ish-ministrja e Kulturës dhe njëherazi deputetja e qarkut Gjirokastër, Mirela Kumbaro. Duke i treguar Fevziut për grupet polifonike në jug të vendit që i japin tjetër atmosferë mbrëmjeve të verës në lokale e restorante, Kumbaro përmendi edhe Gjirokastrën.
“Këndova dhe unë me Arjanin në Gjirokastër”, i thotë Fevziu teksa shton se është impresionuar nga Gjirokastra herën e fundit për zhvillimin që ka marrë sektori i turizmit dhe atraksionet që ofron qyteti. Këtu ndërhyn Mirela Kumbaro për t’i dhënë lajmin e hapjes së tri bizneseve të reja në zonën e pazarit të restauruar plotësisht.
“Nëse do një lajm të fundit vetëm para dy javësh u hap një tjetër pub që bëhet në sokak. Një quhet “Qoshea e Ngrohtë”, tjetri “Black Rose” dhe tjetri “Babameto 2”, tha Kumbaro.
Shihni videon më poshtë.
