Ditën e djeshme Papa Francesku ka deklaruar se edhe homoseksualët janë fëmijë të Zotit dhe kanë të drejtë të kenë një familje. Ata nuk duhet të dëbohen dhe të ndihen keq për atë që janë, madje ai është shprehur se është pro për krijimin e një ligj për partneritetin civil. Në këtë mënyrë, ata do të jenë të mbuluar ligjërisht.
Për të disktuar rreth kësaj deklarate në emisionin Rudina, kanë qenë të ftuar Pastori i Kishës “Ungjilli i Krishtit”,Akil Pano dhe ish-atletistja Klodiana Shala, ndërsa në një lidhje me Skype do jetë sipërmarrësi Elton Ilirjani dhe Xheni Karaj, aktiviste e të drejtave LGBTI.
Biznesmeni Elton Ilirjani ka dashur të bëjë bisedën me pastorin sa më shumë komike duke e komplimentuar atë dhe i thotë se shokët e tij amerikanë e kanë shumë qejf dhe e vlerësojnë shumë.
Elton Ilirjano: Unë e kam shumë qejf pastori, madje shumë miq të mi këtu në Neë York thonë sa pastor i bukur, e vlerësojnë shumë amerikanët se është i mirë. Madje edhe disa shoqe të mia shqiptare të kanë shumë qejf pastor. Ne jemi krijesa shumë të bukura të Zotit.
Akil Pano: Si të të drejtohem zoti apo zonja Ilirjani?
Elton Ilirjani: Zoti sepse unë jam mashkull. Çështë kjo martesa treshe që po flet? Kështu bëni ju dhe na godisni ne. Ju thoni që ne jemi njerëz që shkojmë me shumë persona, nuk është e vërtetë. Ne nuk shkojmë në marrëdhënie treshe. Ke shqiptarë aty që bëjnë gjëra shumë perverse dhe e ha unë, Xheni dhe shumë të tjerë.
Akil Pano: Zoti Ilirjan unë thashë që në momentin që legalizohet martesa brenda të njëjtës gjini, hiqet steka e moralit që do të thotë se mund të kemi 3 individë, mund të kemi 2 burra dhe një grua ose 2 gra dhe një burrë që duam të hymë në një martesë.
Xheni Karaj: Mos keqinformo publikun.
Pastori Akil Pano: Deklarata e Papës është nxjerrë jashtë kontekstit, mund të duket si një lajm i mirë për komunitetin LGBT, por nëse e lexon deklaratën e tij nuk thuhet për legalizimin e martesave brenda të njëjtës gjini, por bëhet fjalë për një lloj mbrojtje që kisha dëshiron të japë përmes një shpallje të tillë publike në dimensionin e lidhjeve homoseksuale, flitet për një bashkëjetesë civile. Një ligj civil që do të krijojë mbrojtje financiare dhe sociale.
Rudina Magjistari: Papa është shprehur se edhe ata janë fëmijë të Zotit dhe kanë të drejtë për një familje.
Akil Pano: Çdo qënie njerëzore që vjen në këtë botë ka të drejtën e një familje sepse të gjithë lindin përmes një prindi si qënie njerëzore të drejtat tonë mbrohen nga kushtetuta ndërkombëtare. Ky është lajm sepse Kisha ka qëndruar stoike në dogmatizimin e linjës së saj të doktrinës që lidhjet kundër natyrës, nuk janë lidhje të cilat i bekon Zoti.