Dua Lipa ishte në Shqipëri për të inspektuar punimet që po zhvillohen për ndërtimin e një prej kopshteve të dëmtuar nga tërmeti. Fondet janë mbledhur nga shitja e bluzave “Lutu për Shqipërinë”, një iniciativë nga vetë ylli i muzikës në bashkëpunim me miqtë e saj pas tërmetit.
Dua u takua gjithashtu me kryebashkiakun Veliaj, kryeministrin Rama dhe ambasadoren amerikane Yuri Kim. Kanë qenë të shumta ata që e kanë cilësuar këtë si një propaganda nga ana e drejtuesve të shtetit, mes të cilëve dhe këngëtarja Besa Kokëdhima.
“Dua Lipa eshte nje yll! Por Dua u be edhe ne nje shtet e treg prej verteti. Nuk do kish as pritje me levdata, kortezira e tapete po te kish qene ne Shqiperi, pa te drejta autori, pa prioritarizim e mbeshtetje per artin, ne kushtet mjerane qe e kane katandisur artin dhe artistet Shqiptare.
Po te kish qene Dua ne Shqiperi, muziken e saj do e quanin jokomerciale, nga perdorimi i muzikes se saj do perfitonte o te ardhura, do bazohej jetesa e saj artistike mbi evente sporadike ne clubs apo perdorimit nga politikanet ne prag fushatash apo nevoja inagurimesh.
Keta habiten shume qe kur ke talent mund te behesh yll, se ne Shqiperi yjet e vetme nga kalon gjithcka jane politikanet. Rockstaret me ekstravagante e shoëmen-et me te spikatur jane politikanet”, shkruan Besa.
