Ndërkohë që qeveria do t’ju japë pensionistëve shpërblim 50 mijë lekë të vjetra për fundviti, Bashkia Gjirokastër ka vendosur të shpërblejë me të ardhurat e veta familjet që trajtohen me ndihmë ekonomike. Shuma që do të shpërndahet është në vlerën 30 mijë lekë të vjetra. Lajmin e njofton kryetari i bashkisë, Flamur Golemi, i cili thotë gjithashtu se do të rriten pagat edhe për punonjësit e shërbimeve publike.
Mesazhi i plotë i Golemit.
4 vendime të rëndësishme në mbledhjen e fundit të Këshillit Bashkiak Gjirokastër për këtë vit ku miratuam edhe buxhetin për vitin 2022. ✅
🟢 Shpërblim 3 mijë lekë të reja për familjet që trajtohen me ndihmë ekonomike.
🟢 Punonjësit e shërbimeve publike duke filluar nga muaji mars do të përfitojnë një rritje page me 5%. Fondit aktual të pagave i shtuam sot edhe 8 milionë lekë të reja nga të ardhurat e bashkisë.
🟢 Rritëm në 36.1 milionë lekë të reja buxhetin e dedikuar për pastrimin dhe trajtimin e mbetjeve urbane. Një qytet i pastër është parakusht për zhvillimin e ekonomisë dhe mirëqënien e qytetarëve.
🟢 Në total në buxhetin e vitit 2022, rreth 39% e tij shkojnë vetëm për investime publike. Jo vetëm që do të mbyllim kantieret ku po punohet ende, por do të nisim edhe punë të tjera sipas prioriteteve që kemi vendosur.
