Demokratët s’e kanë pritur mirë ‘dredhinë’ e Lulzim Bashës, i cili sot zyrtarisht bëri ‘paqe’ me Edi Ramën duke dërguar Oerd Bylykbashin në tryezën e reformës zgjedhore. Basha që përbetohej se nuk do të bashkëpunonte për reformën zgjedhore, pa u ndëshkuar më parë Damian Gjiknuri për blerjen e votave në Dibër, sot kishte përfaqësuesin e vet në tryezë. Basha që përbetohej se s’do të shkonte në zgjedhje me Edi Ramën dhe se nuk e njihte atë për Kryeministër, është tërhequr nga të gjitha këto, duke bërë një tjetër marrëveshje me Kryeministrin. Basha që zotohej për zgjedhje të parakohshme dhe mosdorëzim të bashkive tek Edi Rama, është tërhequr nga të gjtiha këto. Mes demokratëve të zhgënjyer është edhe Roland Bejko, ish-kryetari i PD-së në Gjirokastër dhe aktualisht koordinator për pushtetin vendor dhe decentralizimin në këtë parti. Përmes një postimi në Facebook të fotos së tryezës së bisedimeve, Bejko shkruan me ironi.
“Foto e bukur, me pak ngjyra, por me simetri ! Ngjyra dominuese e mjedisit është përtej tryezës ! Ky takim ka për të qenë historik se pas kësaj do ti jepet fund tranzicionit të jashtëzakonshëm 30 vjeçar dhe e mira me të keqen nuk do bashkëjetojnë më në Shqipëri ! Shqiptarët do ta mbledhin mendien përfundimisht ! Suksese! Suksese ! ✌✌✌✌✌✌✌✌