Ky është Arben Kurti 45 vjeç. Prej vitesh ai as nuk ecën dhe as nuk flet. Nëna e tij, Selvia, tregon vështirësitë që ka hasur me të që në lindje. “Kur kam shkuar të lind më tha doktoresha nuk ka kocka në brez dhe poshtë. Ecën zvarrë. As nuk flet për të ngrënë, vetëm kur i jap unë. Zoti e ka në dorë, Zoti më dha, çfarë të bëj?”
Thotë se gjendja e tij me kalimin e viteve është përkeqësuar, madje i biri është bërë dhe agresiv. “Ja si e ka bërë shtëpinë, shumë agresiv. Gris dhe rrobat nga nervat.” Vështirësitë për 45-vjeçarin janë të mëdha sidomos kur ai tenton të lëvizë. Nëna kërkon vetëm një karrocë invalidi që djalit të saj ti lehtësohet sadopak vuajtja. “Kam nevojë vetëm, për një karrocë. Nuk kam me çfarë ta blej, bën shtrenjtë.” Lutjen për një karrocë e ka dhe Arbeni dhe në pamundësi për të folur, lutjen ja drejton Zotit./ora news
