Gazatari Artan Hoxha e cilëson si të paprecedentë presionin që Greqia ushtron ndaj drejtësisë shqiptare për rastin e Fredi Belerit. Ai sjell në vëmendje edhe rastin e arrestimit dhe dënimit të Spiro Kserës për korrupsion disa vite më parë, por që nuk pati një interesim të tillë nga Athina zyrtare.
“Unë nuk di një cështje tjetër. Ka dhe shtetas të tjerë që janë të arrestuar, por unë nuk kam parë këtë lloj interesi. Unë mbaj mend që ish-prefekti i Gjirokastrës dhe ish-ministri, Spiro Ksera, shkoi në burg, por unë nuk pashë që t’i shkonte atje as ndonjë Ministër i Brendshëm i Greqisë, as kryetarët e bashkisë së Athinës e Selanikut apo as autoriteti më i madh hierarkik i ortodoksisë, kryepeshkopi Anastas Janullatos. Gjithë ky presion ndaj drejtësisë është një rast i paprecedentë!”, tha Hoxha gjatë një debati televiziv në MCN TV me Vangjel Dulen. Shih videon më poshtë. ©argjiroja.net
