Një 29-vjeçar është arrestuar në aeroportin Zaventem të Belgjikës pasi dyshohet se ndihmoi në arratisjen e jashtëzakonshme të mafiozit italian dhe bashkatdhetarit të tij nga një prej burgjeve të Italisë. Po ashtu, i riu i arrestuar, ende i paidentifikuar, kërkohet nga Italia të ekstradohet.
Por historia nis në 31 dhjetor të vitit të kaluar, një i burgosur në burgun e Vercellit, në Italinë veriore, feston natën e Vitit të Ri në qeli. Në të njëjtën qeli ndodhet 28-vjeçari shqiptar Kristian Mëhilli i burgosur për grabitje me armë. Mafiozi italian dhe 28 vjeçari shqiptar lidhin çarçafët dhe zbresin nga kati i katërt i burgut. Por gjërat nuk shkojnë sipas planit: çarçafët nuk mbajnë, dhe mafiozi italian bie dhe plagoset rëndë. Për të, arratisja përfundon me kaq.
Më shumë se një muaj më vonë, më 10 shkurt, i burgosuri i arratisur arrestohet në Holandë. Në shtëpinë e tyre në Itali u arrestuan edhe tre bashkëpunëtorë: njëri prej tyre ishte vëllai i të arratisurit, shenjat e gishtave të të cilit ishin në folenë e makinës. Ai rezultoi se mbante një hartë të burgut, e cila përmbante gjithashtu udhëzime të hollësishme për të gjithë bashkëpunëtorët. Bëhet fjalë për Xhulian Nikën dhe miqtë e tij, Emanuel Kreci dhe Xhulian Bunaj.
Së fundmi është arrestuar edhe bashkëpunëtori i katërt: një 29-vjeçar shqiptar me banim në Itali dhe tashmë i njohur në polici për vjedhje. Ai kishte blerë makinën me të cilën do të arratiseshin dhe kishte thyer portat e jashtme të burgut. 29 vjeçari shqiptar u kap në aeroportin Zaventem teksa po tentonte largohej për në Shqipëri. Ai pritet të ekstradohet për në Itali për krimin e kryer atje në bashkëpunim me personat e tjerë.
