Blogerja Armina Mevlani ka ndarë një “hall” që e mundon. Gjatë emisionit të sotëm në “Goca dhe Gra”, Armina Mevlani tha se e ka problem që të flejë pa bashkëshortin e saj të ardhshëm, Shkëlzen Berisha. Po ashtu, ajo shtoi se edhe partneri i saj kishte të njëjtin problem.
“Unë e kam shumë problem. Nuk më zë gjumi pa e pasur burrin në krevat. Për udhëtime mezi ia dal. E marr me video. Flasim me njëri-tjetrin. Por edhe ai më thotë që kur ti nuk je, s’jam aq rehat kur ti je. Kemi 9 vite që bashkëjetojmë,”-tha në fjalën e saj blogerja.
Pas 9 vitesh bashkëjetesë, çifti ka njoftuar dasmën. Armina ka bërë me dije se fustanet i ka gati, pasi dasma e çiftit ishte planifikuar që në vitin 2020, por u shty për shkak të pandemisë. Armina tregoi se Vivienne Westwood ka qepur një fustan enkas për të. Po ashtu, ajo tha se dita e kurorëzimit do të jetë në fund të shtatorit, por pa zbuluar ende datën./ Argjirolajm.net
