Komisioni i Jashtëm i Vlerësimit ka vendosur të konfirmojë në detyrë kreun e Policisë së Shtetit, Ardi Veliu.
Veliu kaloi në “sitën” e Vettingut një ditë më parë, ku në seancën dëgjimore në KJV rezultoi se ai nuk kishte probleme me asnjërën prej shtyllave të këtij ligji, as me pasurinë, as me pastërtinë e figurës dhe as me aftësitë profesionale.
Nga hetimi i KJV, Ardi Veliu rezultonte me një pasuri minimaliste, ku jetonte në shtëpi me qira dhe nuk kishte makinë në pronësi të tij. Lajmin për konfirmimin në detyrë Veliu e mori teksa ndodhet në Gjirokastër.
Në orën 12:00 ai do të jetë në Pikën Kufitare të Kakavijës, bashkë me ambasadorin e OSBE-së në vendin tonë dhe me drejtorin e Departamentit të Kufirit dhe Migracionit, Eduard Merkaj.
