Enti Kombëtar i Banesave i drejtuar nga Stefan Çipa, ish-kryebashkiaku i Sarandës, njofton për një ankand në qytetin bregdetar. Në shitje kanë dalë dy apartamente me sipërfaqe mbi 121 m2 të ndërtuara me fonde të buxhetit të shtetit.
Sipas njoftimit, apartamentet janë ndërtuar në Rrugën “Butrinti ” në një zonë e cila është e formuluar me ndërtime të reja dhe një pozicion të favorshëm në raport me rrugën. Vlera fillestare e ankandit është: 60 000 (gjashtëdhjetë mijë) lekë/m2.
Afati i fundit për dorëzimin e ofertave është data 29 mars. Po kështu në shitje janë edhe dy njësi shërbimi të ndërtuara po nga Enti Kombëtar i Banesave. Vlera fillestare e ankandit për to është: 52 000 (pesëdhjetë e dy mijë) lekë/m². Më poshtë njoftimi i plotë. ©argjirolajm.net
