Nga Namir Lapardhaja
Amerikani i vendosi pikat mbi i, por haxhiqamilistët po thonë se sa të kenë firmat e delegatëve në kasafortë, nuk pyesin për SHBA-të.
Të verbuar nga urrejtja dhe të udhëhequr nga dashuria e pakufi për Babën, ata po na tregojnë se ajo që pamë me sytë tanë nuk është ashtu siç duket.
Gabriel Eskobar konfirmoi dy gjëra:
1.Partia Demokratike shihet, tanimë, si aleat i besueshëm nga SHBA-të dhe 2. mbështetje për kryetarin Lulzim Basha, nëpërmjet ftesës së tij të shpejtë në Amerikë.
Interpretimet e tjera janë dashakeqëse.
Partia Demokratike që u themelua si parti me vokacion perëndimor, amerikan dhe evropian, nuk mund të rithemelohet si parti antiamerikane.
Pa Perëndimin Shqipëria mund të përfundojë në komunizëm, siç ndodhi për 45 vjet, ose në luftë civile, siç ndodhi në ’97-ën.
