Policia e Sarandës ka vënë në pranga shoferin i cili aksidentoi çiftin e turistëve italianë. Ngjarja ndodhi tre ditë më parë në rrugën Sarandë-Ksamil. I arrestuari është shtetasi F.R, 52 vjeç, banues në Sarandë. Sipas policisë, në vendin e quajtur “Hidrovor” ky shtetas duke drejtuar automjetin tip “Ford”, është përplasur me motomjetin tip “Piaggio” me drejtues shtetasin italian G.S., 63 vjeç, i cili ndodhet në Spitalin e Traumës Tiranë duke marrë mjekim më të specializuar. Si pasojë e kësaj përplasjeje ka humbur jetën shtetësia italiane M.S., 64 vjeçe, e cila ishte pasagjere në motomjet. Materialet iu referuan Prokurorisë për veprën penale “Shkelja e rregullave të qarkullimit rrugor”.
© ArgjiroLajm.net