Një 58-vjeçar, punonjës policie në Stacionin e Policisë Patos ka ndërruar jetë si pasojë e një aksidenti automobilistik. Në njoftimin zyrtar, bëhet me dije se ngjarja ka ndodhur rreth orës 21:35, në aksin rrugor “Patos-Fier”. Efektivi, Agron Saba ka qenë duke kaluar udhëtuar me automjetin tip “Opel” në momentin që është përplasur me një tjetër makinë, tip “Benz” me drejtues G. H., 27 vjeç, banues në Patos. Si pasojë e përplasjes, efektivi ka ndërruar jetë.
Njoftimi: Rreth orës 21:35, në aksin rrugor “Patos-Fier”, automjeti tip “Opel” me drejtues shtetasin A. S., 58 vjeç, banues në Patos, (punonjës policie në Stacionin e Policisë Patos) është përplasur me automjetin tip “Benz” me drejtues shtetasin G. H., 27 vjeç, banues në Patos. Si pasojë e kësaj përplasje, ka ndërruar jetë shtetasi A. S.. Grupi hetimor po punon për zbardhjen e shkaqeve të aksidentit.