Aksident i frikshëm në Krahës të Memaliajt, 3 të plagosur mbërrijnë në Gjirokastër. Shihni pamjet (VIDEO)

Një aksident ka ndodhur para pak minutave në aksin Krahës-Mallakastër. Dy automjete janë përplasur me njëra-tjetrën duke shkaktuar lëndimin e tre personave që gjendeshin brenda makinave. Automjeti tip Mercedez-Benz me targa AA843TK vinte nga drejtimi jugor teksa i ka zënë udhën mjeti tip Toyota me targa AB920AP. Policia Rrugore ka shkuar në vendngjarje për të zbuluar shkakun e aksidentit. Të lënduarit po transportohen drejt Spitalit Rajonal të Gjirokastrës për të marrë ndihmën e nevojshme mjekësore. Argjirolajm.net sjell pamje nga vendi i ngjarjes.