57 karrige me trëndafila, si protestojnë studentët e Athinës para Ministrisë së Transporteve

Në Greqi vijojnë protestat pas aksidentit tragjik me tren në Larisa ku humbën jetën 57 persona. Disa studentë kishin zgjedhur një formë simbolike të protestës së tyre gjatë ditës së sotme. Ata kishin vendosur jashtë Ministrisë së Transporteve 57 karrige me trendafila, aq sa ishte numri i viktimave të aksidentit. Ndërkohë një ditë pas ngjarjes së rëndë njoftoi dorëheqjen nga posti edhe Ministri i Transporteve, në shenjë të marrjes së përgjegjësisë morale për aksidentin tragjik. Qeveria Mitsotakis ndodhet në një moment të vështirë, aq më tepër kur është përpara zgjedhjeve të përgjithshme parlamentare. ©argjiroja.net