53 familje në Gjirokastër kanë përfituar kredi të buta për blerje apartamenti. Lajmin e njofton kryebashkiaku Flamur Golemi pas mbledhjes së Këshillit Bashkiak.
SUPER LAJM!
Për herë të parë që prej vitit 2012 kemi rikthyer subvencionimin e interesave të kredisë së butë për familjet që aplikojnë në programin tonë të strehimit. Sot miratuam në mbledhjen e Këshillit Bashkiak listën përfituese me 53 familje. Për 43 familje subvencionimin e interesave të kredisë do e bëjë Bashkia Gjirokastër me buxhetin e vet, ndërsa për 10 familje të tjera subvencionimi do të mbulohet nga Buxheti i Shtetit. Familjet në pamundësi për të blerë një shtëpi apo çiftet e reja që duan të kenë një banesë të tyre, duhet ta shfrytëzojnë këtë program si një lehtësi që i ndihmon të kenë pronën e tyre. Do ta vazhdojmë këtë politikë mbështetëse duke zgjeruar më tej bazën e përfituesve.
