Referuar databazës së publikuar të pagave për muajin prill 2021, rezulton se nga 7 kryetarë të bashkive të qarkut Gjirokastër, dy prej tyre nuk kanë këshilltarë. Tërmet Peçi i Tepelenës dhe Klement Ndoni i Këlcyrës s’kanë këshilltarë në kabinet. Madje në Tëpelenë nuk ka as nënkryetar bashkia. Me sa duket Tërmeti s’do të ndajë pushtet me askënd.
Flamur Golemi i Gjirokastrës ka dy këshilltarë në kabinet, një burrë dhe një grua. Po një këshilltar ka edhe Gjolek Guci i Memaliajt, Luiza Mandi e Libohovës, Dhimitraq Toli i Dropullit dhe Alma Hoxha e Përmetit. Kur është fjala te rroga mujore, më shtrenjtë e paguan këshilltarin Dhimitraq Toli i Dropullit, pastaj vjen Flamur Golemi e Alma Hoxha.
E kursyer është Luiza Mandi e Libohovës, e cila i ka lënë këshilltarit të saj një pagë mujore prej 17,454 lekë. Memaliaj dhe Këlcyra kanë nga një nënkryetar bashkie, Përmeti, Libohova e Gjirokastra kanë nga dy, ndërsa Dropulli rezulton me tre. ©argjirolajm.net
