Motra e Ermal Ngucaj, 40-vjeçarit që u zhduk në Vlorë më 12 tetor dhe që prej asaj dite nuk është bërë më i gjallë, ka reaguar mjaft e revoltuar nga shteti. Në një shënim publik, Jetmira shkruan se të gjithë si familje duan të dinë se ç’ka ndodhur me Ermalin dhe nëse ka vdekur të kenë një vend ku ta qajnë. Ajo shton se shteti i braktisur dhe se nusja e djali i Ermalit qajnë çdo ditë, duke mos ditur ku e kanë kryefamiljarin.
“Unë jam Jetmira Ngucaj Motra e Ermal Ngucaj që u zduk ne 12 tetor u nis per ne Vlorë e nuk pati kthim…nje muaj e gjys heshteje cfar vall ka ndodh pse kjo heshteje, cfar po ben shteti ku eshte ,,,po na kercet zemra ta dim cfar ka ndodh ,,sado QE kan fol per Kanabis po do kishte lek e paura,ju kerkoj ndim me zemer ne dor sido QE te jet puna, po ka ndodh gje ta dim ku te qajm,,,kam humb shpresen ne shtet nuk kam besim me, jemi te helmuar sepse jeta na ka mar me shqelm sepse I mirit I ndoth gjithcka te ligut jo…ju lutem ka nje femij ka nuse ka prindrit QE po.qajn djalin pa e ditur se ku eshte,,e mos te flas si ne si Motra per driten e syrit per vellan e vetem,,,nuk eshte e left po shteti ku eshte,, e normale QE shreti nuk kerkon sepse vellai Im nuk ishte djal deputeti po nje djal Cobani fukarej gjith jeten me vin turp te jem shqiptare per cfar po ndoth,po deshe mund dhe ta publikosh keshtu sic eshte e nar un responsabilitan per keto fjal.respekt,”– shkruan Jetmira.
Ermal Ngucaj u zhduk më 12 tetor në Vlorë. Rrobat e tij, atletet dhe makina iu gjetën të braktisura në Mavrovë, por nga vetë 40-vjeçari nuk ka asnjë gjurmë.