Zbulohet një tjetër parcelë me kanabis në Tepelenë, policia mban sekret numrin e rrënjëve të asgjësuara


Na ndiqni në Facebook, Instagram dhe Youtube:
  • Facebook
  • Instagram
  • Youtube

Në fshatrat e Tepelenës vazhdon të zbulohen parcela me kanabis. Sot raportohet se në fshatin Izvor i Vjetër, njësia administrative Luftinjë, u gjet një parcelë me bimë narkotike. Droga u asgjësua nga policia, por kjo e fundit, në njoftimin pë media, nuk e jep numrin e rrënjëve të kultivuara. Policia thotë se po punon për identifikimin dhe kapjen e autorëve. Zonat malore të Tepelenës janë ende problematike sa i përket kultivimit të drogës. Sasia rekord prej 1.5 ton kanabis u zbulua javën e shkuar në Memaliaj, por as për këtë rast policia nuk arrestoi njeri. Në mesin e muajit korrik në fshatin Skore të Dropullit u zbuluan 6 parcela me rreth 2500 rrënjë kanabis. Operacioni u mbajt i fshehtë nga policia e Gjirokastrës. 

© ArgjiroLajm.net