Refuzimi i negociatave nga ana e BE-së, ka sjellë përplasje e akuza për Ramën jo vetëm nga opozita dhe pjesa më e madhe e shqiptarëve, por edhe brenda PS-së.
Gjatë mbledhjes së djeshme të kryesisë së PS-së, ka pasur edhe përplasje dhe debate mes Edi Ramës, Fatmir Xhafajt dhe Pandeli Majkos. Këta të fundit i kanë dalë kundër Ramës dhe deklaratave të bëra nga ministrit në detyrë, Gent Cakaj.
Sipas gazetës Panorama, Xhafaj ka kërkuar nga Edi Rama që PS-ja të dilte me një qëndrim në lidhje me refuzimin e negociatave.
‘Shqiptarët prisnin vetëm që BE-ja të hapte negociatat dhe asgjë tjetër’, është shprehur gjatë debatit me Ramën, ministri i Diasporës Pandeli Majko.
Kritika të shumta janë hedhur edhe ndaj ministrit në detyrë, Gent Cakaj, për deklarata e tij të papërgjegjshme pas vendimit të Brukselit për të mos hapur negociatat.
