Kamza-Luftëtari ishte ndeshja ku dje pati më shumë futboll në fushë, pavarësisht se nuk u shënua asnjë gol dhe dy skuadrat ndanë nga një pikë, që më shumë kënaq gjirokastritët. Këta të fundit ishin me fat, pasi Kamza humbi një 11-metërsh. Por edhe kjo ndeshje nuk i shpëtoi tensionit, që në tribunë ishte mjaft i madh. Nga drejtuesit e Luftëtarit është pohuar pas ndeshjes se ata janë kërcënuar nga kamzalinjtë, të cilët kërkonin që ekipi i tyre të linte ndeshjen.

Situata u përshkallëzua dhe më pas në stadium ka ardhur një furgon i grupit të gatshëm për të garantuar sigurinë. Ndeshja u mbyll në barazim dhe pas saj nuk pati incidente. Kujtojmë që një situatë e ngjashme me drejtuesit e Kamzës ka ndodhur edhe pak javë më parë në Korçë, ku drejtuesit e skuadrës nga periferia e kryeqytetit u kërkonin llogari drejtuesve të Skënderbeut pse po i mundnin.