Pavarësisht gjithë dyshimeve dhe pasigurive, Luftëtari ka nisur nga puna për edicionin e ri të Kategorisë Superiore, teksa në ditën e sotme është prezantuar edhe trajneri i ri i bluzinjve. Do të jetë Klevis Dalipi, ai i cili do të udhëheqë gjirokastritët në sezonin e ardhshëm, ndërsa në fjalët e trajnerit u theksua se objektivi do të jetë mbijetesa në elitën e futbollit shqiptar, duke parë edhe kushtet në të cilat ndodhet klubi. 

Ndërkohë, Dalipi ndër të tjera, u shpreh se ekipi do të bazohet kryesisht te elementët e rinj dhe shqiptarë. Kjo është eksperienca e dytë për Dalipin në rolin e teknikut, ndërsa në vitin 2018 ishte në krye të Partizanit.

Ndërkohë, në ditën e sotme, Luftëtari ka prezantuar gjithashtu edhe drejtorin sportiv. Ai që do ta mbulojë këtë rol është Artur Dadaj, i cili deri para pak kohësh, ka pasur edhe një pjesë të aksioneve në klubin gjirokastrit. Sakaq, në listë për t’u prezantuar është edhe drejtori teknik, i cili pritet të jetë Klodian Duro.