Valbona Selimllari i përgjigjet ftesës së Kumbaros, bëhet pjesë e Lëvizjes Kombëtare për Lexim (VIDEO)


Na ndiqni në Facebook, Instagram dhe Youtube:
  • Facebook
  • Instagram
  • Youtube

Një tjetër personazh i njohur i jetës publike iu bashkua Lëvizjes Kombëtare për Lexim, nismë e ndërmarrë nga Ministria e Kulturës. Valbona Selimllari shfaqet bashkë me vajzën e saj duke lexuar librin ‘Një shëtitje në trupin e njeriut’.

“Faleminderit Valbonë që beson fort se çdo çast leximi me fëmijët është më shumë se sa një faqe libri, është një themel i fortë që i japim jetës së tyre! T’u lexojmë sot që të lexojnë vetë nesër”, thotë ministrja Mirela Kumbaro teksa publikon edhe videon e Selimllarit.

Lëvizja Kombëtare për Lexim ka në fokus fëmijët nga mosha 0-14 vjeç dhe edukimin e leximit që në fëmijëri. Lëvizja do të shtrihet në të gjithë vendin. Përfaqësues të saj, përfshi edhe vetë ministren, do të shkojnë nëpër shkolla e biblioteka të qyteteve për të dhuruar libra dhe për të lexuar së bashku. Lëvizja synon edhe përfshirjen e bashkive, me një fond të veçantë për blerjen e librave dhe vënien në funksion të bibliotekave publike apo atyre pranë shkollave. Në javët e ardhshme do të ketë të tjerë personazhe të jetës publike që do t’i përgjigjen thirrjes “Takohemi për një Libër” në kuadër të Lëvizjes Kombëtare për Lexim.