Trazira për 30 qershorin në Gjirokastër? Flamur Golemi tregon si do të mbrojë zgjedhjet nga militantët e opozitës që do tentojnë të prishin procesin


Na ndiqni në Facebook, Instagram dhe Youtube:
  • Facebook
  • Instagram
  • Youtube

Kandidati i PS-së për kryetar Bashkie në Gjirokastër, Flamur Golemi, ka dhënë një intervistë për portalin e Alfred Pezës, ‘AlpeNews.al’.Ndër të tjera ai është pyetur edhe për sigurimin e procesit zgjedhor më 30 qershor, në kushtet kur opozita zotohet se do të bllokojë qendrat e votimi. Ja si përgjigjet Flamur Golemi

Si do i siguroni standardet më të larta të procesit për ditën e votimit në kushtet kur opozita jashtparlamentare nuk do të marri pjesë (me sa duket) në garën e 30 qershorit?

Besoj se kuadri ligjor është shumë i qartë dhe s’le vend për interpretim. Kushdo që tenton të cënojë procesin zgjedhor do të përballet me pasojat. Askush s’ka të drejtë të pengojë qytetarët të zgjedhin. Kjo është një e drejtë kushtetuese. Opozita e ikur në drejtim të paditur ka bërë një gafë historike që do të rëndojë mbi të në radhë të parë, por sigurisht edhe mbi vendin. Por kjo s’do të thotë që ne nuk duhet të bëjmë zgjedhje meqë opozita ka frikë nga përballja. Zgjedhjet janë të njerëzve. Partitë që duan të kandidojnë hyjnë në zgjedhje.

A parashikohen problem ditën e votimit në Gjirokastër?

Mendoj se gjirokastritët janë aq të mencur sa të mos shkojnë pas berihait. Ata do të votojnë në lirinë e tyre të plotë dhe askush nuk mund t’i pengojë. Nuk besoj se do të ketë probleme, përkundrazi qytetarët me votë masive në 30 qershor do të dëshmojnë se refuzojnë modelin politik të opozitës se cartuar që nuk merr përsipër përgjegjësitë. Opozita u votua për të qenë në Kuvend, jo për të qenë në rrugë. Partitë testohen duke hyrë në zgjedhje, jo duke bllokuar rrugët.