Gentian Mezani është prezantuar dhe menjëherë ka nisur nga puna, në Gjirokastër dukej sikur situata kishte ndryshuar sa “hap e mbyll sytë”. Optimizëm në skuadër por edhe te tifozët. Vlonjati ambicioz që refuzoi edhe shumë oferta nga Superiorja, por edhe nga Kategoria e Parë, zgjodhi Gjirokastrën sepse e quan edhe një sfidë për karrierën.
Në intervistën që ka dhënë për “Vipsport.al”. Gentian Mezani, në intervistën që ka dhënë pas seancës së djeshme stërvitore, në prag të sfidës me Teutën thotë se ka parë Luftëtarin në katër javë dhe skuadra nuk e meriton klasifikimin që ka.
Mezani, zgjodhët Luftëtarin kur kishit shumë oferta nga Superiorja dhe Kategoria e Parë. Pse kjo sacrifice e juaja?!
Për mua është poiztive që unë drejtoj një skuadër me traditë dhe me sa e kam parë në katër javët që kanë kaluar, është një ekip që ka kualitete, ka gërshetim mes elementëve të rinj dhe atyre me perspektivë. Është e vërtetë që kam pasur oferta, madje edhe nga jashtë, por më pëlqejnë sfidat. Këtë situatë thuajse e kam pasur edhe te Flamurtari por edhe te Laçi. Ja kam dalë. Shpresoj dhe besoj shumë se me punën dhe dëshirën që ka ky grup do të lëmë fundin.
Në radhë është Teuta, ndërsa tifozët e kanë mirëpritur ardhjen tuaj. Cili është mesazhi për ta?!
Çdo skuadër nuk bën dot pa tifozët. Në Gjirokastër mua më është bërë shumë qejfi që edhe kur kam ardhur si kundërshtar e kam gjetur stadiumin plot. Janë një qytet me traditë që e do futbollin dhe unë besojë se kam bërë një zgjedhje shumë të mirë. Unë bëj thirrje tifozëve që të jenë të shumtë me Teutën. Të bashkuar ja dalim, duke filluar që nga kjo ndeshje…
Luftëtari, pas Flamurtarit dhe Laçit është e njëjta histori, start i vështirë e më pas suksese radhazi…
Shpresoj dhe jam i bindur që do t’ia dalim. Skuadra ka elementë shumë të mirë. Këtë nuk e them sot që jam në krye të Luftëtarit. Unë jam optimist, këtë do t’i injektoj edhe lojtarëve, sepse janë djem që duan të luajnë futboll të bukur dhe i kanë mundësitë që ta bëjnë këtë dhe të marrim rezultate pozitive. E. Saliu
