Këshilli Bashkiak i Tepelenës zhvilloi mbledhjen e radhës në një formë tjetër që nuk e kishim parë deri më sot. Këshilltarët u mblodhën online përmes një platforme të vecantë, për të diskutuar mbi situatën emergjente të krijuar nga Covid-19 dhe masat e ndërmarra nga Bashkia për të ndihmuar familjet në nevojë, si dhe pensionistët që jetojnë vetëm.
Në rend të ditës ishin gjithashtu Miratimi i “Rregullores se keshillit per konsultimin dhe marrëdheniet me publikun e median dhe “Kodi i sjelljes dhe i parandalimit te konfliktit te interesave te keshilltarit bashkiak (hartuar nga projekti “Bashki te Forta”)
Miratimi i ndihmës ekonomike nga fondet e Bashkisë dhe miratimi për trajtim me bonus strehimi per familjet ne nevoje te cilat nuk mund te perballojne tregun e lire te qirave.
Bashkia Tepelenë falë rregullores së re të Këshillit Bashkiak që ka miratuar ka patur mundësi të zhvillojë online mbledhjet e Këshillit edhe pa miratimin e Aktit Normativ nr. 3 të datës. 15.03.2020 të qeverisë, pasi neni 81 i kësaj rregullore ia mundëson në kohë emergjence këtë gjë.
Falë asistencës së projektit “Bashki të Forta”, një projekt i financuar nga Agjencia Zvicerane për Bashkëpunim dhe Zhvillim (SDC), këshillat bashkiakë kanë mundësi të veprojnë në mënyrë funksionale dhe në kohë emergjencash për të adresuar shërbimet ndaj qytetarëve.
©argjiroja.net
