Në Gjirokastër nuk ka qetësi as në kohë festash. Së fundmi ka qarkulluar një lajm për një largim të mundshëm për presidentit Grigor Tavo, por vetë klubi gjirokastrit ka “braktisur” pushimet dhe ka reaguar në lidhje me këtë lajm, madje ka zbuluar se këtë vit numri një i klubit do të tentojë blerjen e 100% të aksioneve të klubit.

“Klubi i futbollit Luftëtari, duke marre shkas nga lajme te stisura dhe publikuara nga disa portale, se presidenti Grigor Tavo do të largohet nga skuadra, ndjejmë detyrimin të sqarojmë gjithë tifozerinëe gjirokastrite dhe opinionin publik se: Grigor Tavo nuk do të largohet nga Luftëtari për asnjë arsye. Jo vetëm kaq, por Tavo po punon për të ndërtuar një Luftëtar të madh, i cili do të jetë përfaqësuesi më i denjë i qytetit. Investimet e presidentit Tavo kanë bërë që Luftëtari të mos njohë probleme financiare. Lidhur me lajmin se presidenca do të kalojë tek zoti Dadaj, bëjmë me dije se gjatë vitit 2017 zoti Dadaj nuk ka qenë pjesë e investimit në klub dhe në këtë situatë klubi nuk është pronë e tij. Gjatë vitit 2018 zoti Tavo do të blejë 100 përqind të aksioneve të Luftëtarit. Këto lajme të shpikura për të dëmtuar Luftëtarin nuk na bëjnë asnjë efekt, përveçse na motivojnë me tepër për të ndërtuar Luftëtarin e madh. Skuadra jonë do të tregojë se është Luftëtar, ndryshe nga ata që na luftojnë të fshehur pas tastierave të ndonjë kompjuteri”, shkruhet në reagimin e klubit gjirokastrit.