Të dielën në Gjirokastër, ndeshje për ‘jetë a vdekje’, tifozët e Tiranës kanë një mesazh


Na ndiqni në Facebook, Instagram dhe Youtube:
  • Facebook
  • Instagram
  • Youtube

Tirana luan të dielën një nga ndeshjet më të rëndësishme të sezonit ku përballë do të ketë Luftëtarin, një nga rivalët direkt në luftën për mbijetesë. Bardheblutë, ashtu si edhe në shumë ndeshje në ‘Selman Stërmasi’ e transferta, edhe këtë takim do të kenë pas vetes tifozët të cilët kanë treguar se janë lojtari i 12 i Tiranës. 

Tifogrupi ‘Tirona Fanatics’ do të udhëtojë drejt Gjirokastrës i organizuar dhe në prag të kësaj transferte, ka dhënë edhe detaje. Në një postim në rrjetin social ‘Facebook’, tifogrupi nga kryeqyteti njofton se kjo është transferta më e rëndësishme dhe se mbështetja është detyrim.

“Te dielën drejt Gjirokastrës!

Transferta ndoshta më e rëndësishme e këtij sezoni zhvillohet të dielën në Gjirokastër! Prezenca është detyrim për të gjithë ne! Nisja nga stadiumi në orën 10:30 udhëtimi 1200 lekë! Gjithçka, çdo gjë dhe gjithmonë vetëm për emrin e madh te Tiranës”, shkruhej në njoftimin e tifogrupit.