Tavo ‘lëshon’ Luftëtarin e zhytur në borxhe, ja kush është biznesmeni i kromit që pritet të marrë klubin

Klubi i Luftëtarit në këtë sezon të ri është në një kolaps total si nga ana e rezultateve negative duke qenë një nga skuadrat pretendente për të rënë në një kategori më poshtë – si dhe në administrimin e klubit. Gjirokastritët kënë bërë një nisje të dobët në këtë sezon të ri duke nisur që nga ndeshjet e Kupave të Europës dhe duke vijuar me kampionatin.

Bluzinjtë bënë një performancë skandaloze në Kupat e Europës ku përveç eleminimeve të turpshme nga ana e ekipit të Ventspils – kishte dhe akuza të rënda në drejtim të drejtuesve të klubit të cilët dyshohen se i kanë trukuar ndeshjet.

Më pas performanca e dobët e Luftëtarit vijon dhe në Kategorinë Superiore ku pas nëntë javëve të para renditet në vendin e 9-të me 6-pikë të grumbulluara, ndërkohë që kanë larguar trajnerin Kostiç duke e zëvëndësuar me Gentian Mezanin. Por, ajo që ka tronditur klubin e Luftëtarit është menaxhimi që po i bëhet nga ana e presidentit Grigor Tavo.

Burime për “Gazetën TemA” nga Tatimet kanë bërë të ditur se administratori, Grigor Tavo, është akoma i bllokuar nga ana e Tatimeve për arsye të mospagesës së sigurimeve shoqërore si dhe është debitor në vlerën mbi 100 milonë me shtetin. Skandali i menaxhimit të klubit nga ana e Grigor Tavos është se ka mbi 3 muaj që nuk i likuidon futbollistët – si dhe është debitor me subjektet e hoteleris,  aty ku janë akomoduar futbollistët.

Burimet për “Gazetën TemA” bëjnë të ditur gjithashtu se flitet që borxhi në total shkon rreth 300 milionë lekë.

Ndërkohë, Tavo tenton që të përfitojë nga Bashkia me gjyqe duke i rritur borxhet akoma më shumë Bashkisë Gjirokastër, meqë është drejtë dorëzimit të mandatit. (më poshtë faksimilet e gjyqit mes Luftëtarit dhe Bashkisë)

Pas gjithë këtyre keqmenaxhimeve që Grigor Tavo i ka bërë klubit të Luftëtarit, mësohet se tentativa e fundit e tij është kalimi në administrim të klubit tek biznesmeni i kromit Bekim Halili./Tema