Studimi alarmant/Lista e ushqimeve të transformuara që nxisin kancerin


Na ndiqni në Facebook, Instagram dhe Youtube:
  • Facebook
  • Instagram
  • Youtube

Një studim i thelluar i shkenctarëve dhe nutricionistëve francezë ka mbërritur në përfundimin se ka një lidhje të drejtëpërdrejtë mes ushqimeve të industrializuara dhe zhvillimit të një sëmundjeje kanceroze. Studimit të botuar fillimisht në revistën tejet serioze British Medical Journal i ka kushtuar këtë të shtunë faqen e saj të parë edhe e përditshmja franceze “Liberation”. Në qendër të goditjes janë vënë ato lloj ushqimesh që shkencëtarët i kanë etiketuar si produkte të MBI-TRANSFORMUARA. 

Studimi i cili ka vëzhguar 105 mijë qytetarë francezë në periudhën kohore 2009- 2017 fillimisht përcakton se cilat klasifikon mes produkteve MBI-TRANSFORMUARA. Zakonisht ato përmbajnë yndyrëra, sheqerna, kripëra të shtuara dhe një dendësi të vogël në fibra dhe vitamina. Ato gjenden zakonisht në bukët industriale, ëmbëlsirat dhe drithërart e konservuara, pijet e gazuara dhe mishrat e përpunuar. Shkenctarët kanë mbërritur në përfundimin se një rritje me 10% e ushqimeve të MBI-TRANSFORMUARA shtojnë riskun e zhvillimit të një kanceri të përgjithshëm dhe të një kanceri të gjirit në veçanti. Për të gjitha llojet e kancerit ky risk shkon nga 6 deri në 18% ndërsa për atë të gjirit nga 2 deri në 22%. Por për të qenë të kujdesshëm deri në fund autorët e studimit voluminoz theksojnë se këto rezultate përbëjnë vetëm një pistë investigimi dhe ato duhet të konfirmohen edhe nga testimi i popullsive të tjera. Shumë faktorë të tjerë janë në lojë që nga përdorimi i duhanit, apo alkolit tek të testuarit, nga gjenetika e tyre e deri tek jeta sedentare apo sportive që bëjnë. Edhe në editorialin e saj që i paraprinte këtij studimi, British Medical Journal theksonte: se ky observim meriton një eksplorim më të thelluar./lapsi.al

Libé du 17 février 2018