Në një kohë kur në vend ka debat politik për 30 qershorin, tani që në lojë u fut edhe presidenti Ilir Meta, në Gjirokastër ka nga ata që mendojnë se s’ka nevojë fare për zgjedhje pasi socialistët e kanë të fituar bashkinë jo thjesht se s’ka rival tjetër, por që me vendosjen e Flamur Golemit si kandidat.
Sigurisht që këto janë kryesisht opinione të militantëve socialistë. Një prej tyre habiti jo pak ministrin Bledi Çuçi gjatë takimit elektoral në lagjen ‘’Zinxhira”. Ai i kërkoi Çuçi që t’i thoshte Edi Ramës se në Gjirokastër votuan para kohe.
“Ky për ne është i votuar mo, që atë ditë që u shpall. Ti thuaj Edit që ata votuan para kohe”, u shpreh me humor socialisti nga ‘Zinxhirat’ teksa ministri Çuçi dhe të pranishmit e tjerë e kanë përcjell me të qeshura. Shihni videon më poshtë.
©argjirolajm.net
