Menaxhimi i gjimnazistëve brenda orës së mësimit duket se është një mision i vështirë.
Një video e cila po bën xhiron në rrjetet sociale tregon një nxënës në një shkollë profesionale në Greqi duke terrorizuar mësuesen e tij në orën e mësimit për ti fshirë mungesën nga regjistri.
“Incidentet e dhunës të të gjitha llojeve nuk kanë vend në shkollat tona,” tha Ministrja e Arsimit Niki Kerameus e cila bëri thirrje për një hetim dhe marrjen e masave të përshtatshme pasi të konfirmohej vërtetësia e videos.
Në pamjet në video, nxënësi bërtet dhe kërcënon mësuesen e tij ndërsa shokët e tij të klasës qeshin. Një moment ai del nga klasa duke përplasur derën më pas kthehet sërish duke kërcënuar mësuesen.
Një nxënës tjetër duket se po luan pas karriges, ndërsa shumë nga shokët e tjerë të klasës qeshin.
