Gjirokastra u trondit mëngjesin e sotëm nga një aksident me vdekje pranë lagjes “Gërhot”. Viktima ishte 34-vjecari Julian Loloci. Sipas policisë ky shtetas udhëtonte në makinën e drejtuar nga 33-vjecari Enrik Hyseni dhe pasi kanë dalë nga rruga janë përplasur me një mur. Përplasja ishte fatale për Julian Lolocin, ndërsa Hyseni ka mbetur i plagosur. Nga të dhënat e para pranë grupit hetimor dyshohet se shkak i aksidentit ka qenë manovra e shoferit për të shmangur nga rruga një qen endacak, por policia pret ndërkohë edhe analizat e shoferit për të mësuar nëse ai kishte konsumuar apo jo alkol. Vec kësaj manovre, automjeti thotë policia, ëvizte me shpejtësi të madhe. Sidoqoftë pritet që në ditët e ardhshme të dalin më shumë detaje nga procesi hetimor.
©argjirolajm.net
