Shtohen telashet për Luftëtarin, ja çfarë problemesh ka para ndeshjes me Kamzën


Na ndiqni në Facebook, Instagram dhe Youtube:
  • Facebook
  • Instagram
  • Youtube

Luftëtari në çdo ndeshje luan me formacion të cunguar. Shpesh dëmtimet, por edhe ndëshkimet kanë sjellë probleme për ndërtimin e një 11-she ideale te skuadra bluzi. Trajneri Gentjan Mezani, në ndeshjen e së mërkurës ndaj Kamzës në Gjirokastër, nuk do të ketë për lojë një nga lojtarët titullarë të mesfushës.  

Bëhet fjalë për Behar Ramadanin, i cili u ndëshkua me karton të verdhë në sfidën ndaj Kukësit, ku shkaktoi edhe penalltinë e kthyer ne gol nga Rexhinaldo që vendosi edhe ndeshjen. Ramdani ka plotësuar numrin 4 të kartonëve të verdhë. Pa Rrocën, Ramadanin e Aleksin, skuadra bluzi duket me probleme madhore para ndeshjes me Kamzën.

Megjithatë, “arma” më e fortë për Mezanin pritet që të jenë tifozët gjirokastritë, të cilët me ardhjen e trajnerit vlonjat në krye të skuadrës kanë filluar që të besojnë te mbijetesa, duke qenë se në katër javët e para nuk morën asnjë pikë, çka detyroi drejtuesit të bënin edhe lëvizje në pankinë.