Në botën e sotme, gjuha angleze demonstron një efekt të fortë të rrjetit: sa më shumë njerëz ta përdorin atë, aq më i dobishëm bëhet. Më shumë se një miliardë njerëz flasin anglisht si gjuhë e parë ose e dytë, dhe qindra milion më shumë si një e treta ose e katërta. Për zgjerimin e bizneseve, të diplomuarve të rinj, shkencëtarët dhe studiuesit dhe turistët ndërkombëtarë, aftësia angleze zgjeron horizontet, ul pengesat dhe shpejton shkëmbimin e informacionit.
Duke marrë në konsideratë këtë, raporti më i ri i mësimit të gjuhës angleze, kryer nga “EF Education First”, thekson se cilat shtete e kanë mësuar anglishten si gjuhë e dytë, më mirë se të tjerat. Për të tretin vit radhazi, Holanda kryeson listën. Shqipëria renditet në vendin e 50-të, apo ndër vendet që e dinë më pak gjuhën angleze në Evropë. Sa i përket pjesës tjetër të rajonit, Serbia renditet në pozita më të mira, duke u grupuar në grupin e shteteve që e dinë mirë, Maqedonia në grupin e Shqipërisë, ndërsa Kosova nuk figuron në listë.
Vendet nordike përsëri dominuan në renditjen e gjuhës angleze: Holanda u rendit e para, pasuar nga Suedia, Norvegjia dhe Danimarka. Zvicra mbetet në grupin e vendeve me aftësi “të larta” në gjuhën angleze, por EF vërejti një rënie të vogël në të gjitha rajonet e gjuhës gjermane. Ndërkohë, vendet e mëdha, si Spanja dhe Italia, janë renditur edhe më poshtë, 35, përkatësisht 36. Arabia Saudite, Kirgistani dhe Libia zunë pjesën e poshtme të renditjes.
Stimujt për të mësuar anglisht nuk kanë qenë kurrë më të mëdha se sa në ditët tona globale, thekson raporti. Dhe akoma, kërkesa për aftësi angleze tejkalon furnizimin. Sistemet e arsimit të themeluara si përgjigje të revolucionit të parë industrial ende nuk janë përshtatur me kërkesat e katërt. Shpesh e shohim aftësinë angleze të paraqitur si një avantazh konkurrues, por një raport i fundit sugjeron që është po aq e rëndësishme për lidhjet që mundëson. Këto lidhje mund të ndihmojnë individët të gjejnë punë më të mira ose të fillojnë bizneset e tyre. /Monitor
