‘Sherr’ për syzet 3D mes deputetëve të Gjirokastrës, Golemi i përgjigjet sërish Tritan Shehut: Ke ikur në drejtim të paditur, dy herë dole bllof


Na ndiqni në Facebook, Instagram dhe Youtube:
  • Facebook
  • Instagram
  • Youtube

Pas ironisë sot në Kuvend, deputeti Flamur Golemi i është përgjigjur sërish kolegut të opozitës, Tritan Shehu. Ky i fundit i tha se do ketë marrë ndonjë palë syze 3D dhuratë nga Edi Rama, me të cilat shikon investimet imagjinare në Gjirokastër. Ndërkohë përmes Facebook, Golemi i shkruan kështu deputetit të PD-së. 

Më vjen mirë që kolegu Tritan Shehu më paska ndjekur sot në Kuvend, edhe pse në kushtet e bojkotit dhe shtegtimit opozitar në drejtim të paditur prej disa kohësh. Është pezmatuar sepse i thashë që për çdo investim të qeverisë, edhe kur puna nis apo përfundon, ai s’e dallon dot dhe thotë se është thjesht një projekt 3D. E mbani mend çfarë shkruante para disa ditësh, se gjoja ishin ndëprerë pa nisur mirë punimet në rrugën Gjirokastër-Lazarat?! Ndërkohë e vërteta është ndryshe, rruga sot po shkon drejt përfundimit. Eja ta shohësh. Muaj më parë ankohej se kishte vetëm projekt 3D për rrugën Kardhiq-Delvinë apo Bypassin e Tepelenës. Sot kanë nisur punimet në këto dy kantiere. Besoj se kaq mjafton për të kuptuar se kush ka realisht nevojë për syze. Edhe 3D po të duash meqë këto i paske fiksim.