Rrënimi i Luftëtarit në dy ndeshje, gjirokastritët s’kanë futbollistë cilësorë as në stolin e rezervave


Na ndiqni në Facebook, Instagram dhe Youtube:
  • Facebook
  • Instagram
  • Youtube

Dy ndeshje, dy humbje për Luftëtarin, që u mund në fushën e tij nga Kastrioti dhe dje në transfertën e Laçit. Të paktën në ndeshjen e fundit, gjirokastritët i kishin të gjitha mundësitë për të marrë pikën e parë, pasi ishin në avantazh të parët, ndërsa në minutën e 95-të rezultati ishte 1-1. 

Një nisje e dobët, si e vjetshmja. Kuptohet që në këtë mes ndikon drejtpërdrejt kualiteti i grupit që ka aktualisht skuadra, së cilës i janë larguar lojtarë shumë të mirë si Abazaj dhe Bregu e ndonjë tjetër. Megjithatë, nuk është kjo e gjitha. Trajneri Kostiç theksoi pas humbjes në Laç se lojtarët e kanë problemin te koka dhe jo te këmbët, duke lënë të kuptohet se është çështje mentaliteti.

Por ajo që bie në sy ka të bëjë me faktin se stafi teknik i Luftëtarit nuk ka alternativa për formacionin dhe më shumë për zëvendësimet. Në Laç luajtën titullarë Ymeraj dhe Çekaj, të paafirmuar në Superiore. Zëvendësues u fut Balsa Radoviç, i cili ende nuk është në 100% të mundësive, ndërsa lojtarët e tjetër të stolit ishin të gjithë të rinj.

Kur kthen kokën nga stoli, trajneri slloven e ka të vështirë të gjejë dikë, që t’i kthejë ndeshjen. Ndoshta me rikthimin e Rrocës dhe me Radoviç në formën më të mirë, situata mund të ndryshojë te gjirokastritët.