Policia e Gjirokastrës ka reaguar përmes një njoftimi paraprak lidhur me aksidentin e rëndë që ndodhi sot pranë fshatit Qesarat në Tepelenë.
“Njoftohemi se në aksin rrugor Krahës–Tepelenë, në vendin e quajtur Qesarat, ka ndodhur një aksident automobilistik. Në aksident është përfshirë automjeti tip Renault me targa CD 478 HB, me drejtues shtetasin R.K, banues në Burrel, me motoçikletën me Targa AN 093, me drejtues shtetasin Ervis Taka, 33 vjeç, banues në Sarandë, i cili ndodhet në Spitalin Rajonal “Omer Nishani”, Gjirokastër, nën kujdesin e mjekëve, për momentin në gjendje jo të mirë shëndetësore. Në vendngjarje ka shkuar grupi hetimor i cili po punon për sqarimin e plotë të rrethanave të ngjarje”, thuhet në njoftimin e policisë Gjirokastër.
Por rreth dy orë më vonë 33-vjecari ndërroi jetë në spitalin e Gjirokastrës. Ervis Taka jetonte në Tiranë, ku ushtronte profesionin e arkitektit, ndërsa ishte i apasionuar edhe pas motorave, me një prej të cilëve sot humbi jetën në aksidentin tragjik.
© ArgjiroLajm.net
