Janë rreth 5 fshatra në Bashkine e Tepelenës të cilat vijojnë të jenë të izoluara për shkak të reshjeve të dendura të borës disa ditë më parë. Mbi 500 banorë kanë fshatrat si Lekdush, Gusmar, Progonat, Kurvelesh dhe Nivice, kalimi i automjeteve lejohet vetëm me zinxhirë.

Ndërkohë që ndërhyrja që po bëhet nga Bashkia e Tepelenës është hedhja e kripës, por kjo në një formë aspak të përshtatshme, që tregon gjendjen e keqe në të cilën ndodhet edhe vetë infrastruktura e Bashkisë. Punonjësit në mungesë të mjeteve shpërndajnë kripën me dorë në rrugët rurale ndërkohë që banorët shprehen se masat e marra janë thuajse inegzistente.